Кеше Қазақстан Республикасының Бас прокуратурасында үйлестіру кеңесі кезінде жолдардағы қауіпсіздік, автомектептердегі жүргізушілерді даярлау сапасының төмендігі, сондай-ақ жүргізуші куәліктерін заңсыз алу мәселелері талқыланды. Бұл туралы «ҚазАқпарат»ХАА хабарлады.
Үйлестіру кеңесі барысында 2015 жылдан бастап жол апатынан 11 мың адам қаза тауып, 120 мың адам түрлі жарақат алғандығы атап өтілді.
«Жол қозғалысы қауіпсіздігіне бірқатар факторлар әсер етеді, оның ішінде автопарк өсімі, жол жағдайы, көліктегі құқық бұзушылықтың алдын алудың әлсіздігі және басқалар. Жағдай автомектептерде жүргізушілерді даярлау сапасының төмендігі мен жүргізуші куәліктерін заңсыз алу мүмкіндігімен күрделене түсуде. Сонымен, прокурорлар 3 мыңнан астам адамға жалған медициналық анықтама негізінде, сондай — ақ диспансерлік есепте тұрған 923 адамға жүргізуші куәлігін беру фактілерін анықтады», — делінген хабарламада.
Ведомствоның мәліметінше, елімізде 833 автомектеп жұмыс істейді, олардың көпшілігінде қажетті материалдық-техникалық базасы жоқ.
Сурет: ibirzha.kz
