Қазақстан Республикасының биологиялық қауіпсіздік мәселелері ғылыми-зерттеу институтының өкілдері жаңа коронавирустық инфекциядан вакцина жасау мерзімін атап өтті. ҒЗИ жанындағы оқу-білім беру орталығының жетекшісі Хайрулла Әбеуов вакцинаны әзірлеуге бір жыл қажет болуы мүмкін екенін айтты. Бұл туралы Tengrinews.kz хабарлады.
Коронавирустың вакцинасын алдымен жануарларға, содан кейін пневмонияның жаңа түрін жұқтырмаған еріктілерге сынауға ниетті. Бұл зерттеуге қатысу ақылы негізде жүргізілуі мүмкін.
“Вакциналарды әзірлеу бірнеше қадамнан тұрады. Біріншіден, кандидаттық штамм алу, дайындау технологиясын әзірлеу, қауіпсіздікті сынау, сондай-ақ клиникаға дейінгі және клиникалық сынақтар”, — деп атап өтті Әбеуов.
Сонымен қатар, ол биологиялық үдерістерге байланысты зерттеуді жеделдетуге болмайтынын айтты.
Қазақстан аумағында COVID-19 вакцинасын әзірлеумен ғылыми-зерттеу институтының қызметкерлерінен басқа, республика астанасындағы Ұлттық биотехнология орталығының қызметкерлері айналысады.
Қазіргі уақытта Қазақстан Республикасында жаңа коронавирусты инфекциямен ауырған 265 адам тіркелген, оның ішінде 18 азамат емделіп, бір әйел қайтыс болды.
Сурет: radiokp.ru
