Қазақстанның индустрия және инфрақұрылымдық даму министрі Бейбіт Атамқұлов елімізде “Нұрлы Жер” жаңа тұрғын үй мемлекеттік бағдарламасы әзірленуде деп мәлімдеді.
“2025 жылға дейін “Нұрлы жер” жаңа мемлекеттік бағдарламасына қатысты. Сайлау алдындағы тұғырнама мен мемлекет басшысының жолдауын жүзеге асыру аясында жыл соңына дейін “Нұрлы жер” жаңа бағдарламасы бекітіледі”, – деді Атамқұлов.
Индустрия және инфрақұрылымдық даму министрлігінің басшысы жаңа мемлекеттік бағдарламаға 5 негізгі міндет енгізілетінін атап өтті. Бұл бірыңғай тұрғын үй саясатын іске асыру, халықты сапалы ауыз сумен және су бұру қызметтерімен тиімді қамтамасыз ету, коммуналдық секторды жаңғырту және дамыту, тұрғын үйлерді күрделі жөндеу және қорды қайта жаңарту, сондай-ақ құрылыс саласын дамыту.
“Жаңа тұрғын үй саясатының идеологиясы –”жұмыс істейтін әрбір қазақстандықтың өз баспанасына болады”. Ол үшін тұрғын үйге қол жетімділік сатысы дайындалып, мұқтаж әрбір отбасына тұрғын үй жағдайын жақсарту тетігі ұсынылады”, – деді министр.
Сондай-ақ, Бейбіт Атамқұлов осы бағдарламаға қатысу үшін нақты критерийлер қарастырылатынын және халықтың табысы айқындаушы фактор болатынын атап өтті.
“Әлеуметтік жалға берілетін тұрғын үй табысы жоқ азаматтарға беріледі. Әлеуметтік жағынан осал санаттарға, яғни жетім балаларға, мүгедектерге және т.б. жалға берілетін тұрғын үй құрылысы жалғастырылатын болады”,-деді Атамқұлов.
