Kazakh Invest ұлттық компаниясының өкілдері мемлекетімізде жүзеге асырылатын инвестициялық жобалар туралы айтты, деп хабарлайды lsm.kz ақпарат агенттігі.
Kazakh Invest мамандарының айтуынша, Қазақстан Республикасында жалпы сомасы 23,5 миллиард долларды құрайтын 112 жобаны іске қосу жоспарланған.
Сонымен қатар, ұлттық компания 20,4 миллиард доллар сомасына тағы 66 жоба пысықталу сатысында екенін айтты.
Kazakh Invest бұл жобалардың барлығы еліміздің аумағында жаңа өндірістерді іске қосуды қарастыратынын атап өтті.
Сондай-ақ, ұлттық компания осы жылдың алты айында Қазақстанда 511 миллион долларға сегіз жоба жүзеге асырылып, соның арқасында мыңнан астам жаңа жұмыс орны ашылды.
Kazakh Invest 2020 жылдың соңына дейін елімізде түрлі өндірістерді іске қосу бойынша тағы 32 жобаны жүзеге асыру жоспарланып отырғанын хабарлады. Оның жалпы сомасы 3,7 миллиард долларды құрайды.
Kazakh Invest – Қазақстан Республикасына инвестиция тартумен және экспортты ілгерілетумен айналысатын біздің мемлекетіміздің ұлттық компаниясы.
Сурет: inosmi.ru
