Қазақстан Үкіметі жаңа мәдениет және спорт министрін тағайындады. Бұл туралы ҚР премьер-министрінің баспасөз қызеті хабарлады.
“ҚР Үкіметінің қаулысымен Дәуешов Нұрқиса Мұратұлы Қазақстан Республикасының мәдениет және спорт вице-министрі қызметіне тағайындалды”, – деп хабарлады баспасөз қызметінің қызметкерлері.
Нұрқиса Дәуешов еңбек жолын халық аспаптар академиялық оркестрі филармониясының әртісі қызметінен бастады. Сондай-ақ ол Жүргенов атындағы Қазақ Ұлттық Өнер академиясының “Дәстүрлі музыка өнері” кафедрасында оқытушы болып жұмыс істеді.
2011 жылдан 2013 жылға дейін Дәуешов академиялық халық аспаптар оркестрінде инспектор лауазымында еңбек етті. 2013 жылы Құрманғазы атындағы Қазақ мемлекеттік академиялық халық аспаптар оркестрінің жетекшісі болып тағайындалды.
