Қазақстан Үкіметі жаңа ұлттық брендті әзірлеуге және ілгерілетуге 480 миллион теңгеден астам қаражат жұмсамақ.
«1. Қазақстанның имиджін оң мазмұнмен толықтыруға, сондай-ақ елдің шет елдерде танылуын арттыруға бағытталған Қазақстанның жаңа ұлттық брендін (елдік лого, брендбук, бірыңғай түстік палитраның стандарттарын, түпнұсқалық қаріпті және т. б.) әзірлеу. Жаңа визуалды бейне қазақ философиясының негізгі белгілері – ұрпақтардың тарихи сабақтастығын сақтауға көмектесетін іргелі ұлттық және жалпыадамзаттық құндылықтарды бейнелейтін болады.
2. Ұлттық бірегейлікті күшейтуге, Қазақстандықтардың ұлттың мәдени кодын сақтау жоспарын төңірегінде бірігуіне, азаматтардың мақтанышы мен жауапкершілігін арттыруға, қазақстандық тауарлардың бәсекеге қабілеттілігін арттыруға, Қазақстанның сыртқы экономикалық және саяси мүдделерін ілгерілетуге ықпал ететін коммуникацияның барлық негізгі арналары бойынша ұлттық брендті ілгерілету және танымал ету стратегиясын әзірлеу”, – делінген жаңа мемлекеттік жобаның сипаттамасында.
Республикалық бюджеттік бағдарламаның әкімшісі болып Ақпарат және қоғамдық даму министрлігі тағайындалды. Мемлекеттік тапсырыстың орындалуына жауапты және заңды тұлға болып “Рухани жаңғыру “қазақстандық қоғамдық даму институты” КЕАҚ тағайындалды.
Жоба ағымдағы жылдың 22 маусымына дейін қоғамдық талқылау сатысында болады.
Сурет: kaztag.kz
