Қазақстан Республикасының бас санитарлық дәрігері Жандарбек Бекшин біздің республикамызда , қауіпті инфекция ошағы өршіп отырған, Қытайдан келген қанша азамат ауруханаға жатқызылғанын айтты. Бұл туралы Денсаулық сақтау министрлігінің баспасөз қызметі хабарлады.
6 қаңтардан бүгінгі күнге дейін Қазақстанға ҚХР-дан келген 35 адам ауруханаға жатқызылды. Қазіргі уақытта олар арнайы жеке бокстарда. Алайда дәрігерлер тек 27 науқасқа ғана диагноз қойды,олардың 22-інде жедел респираторлы вирустық инфекция диагнозы қойылған, төртеуі тұмау, бір жағдайда тұмау және паратұмау.
Жандарбек Бекшин қалған 8 пациенттің барлық қажетті талдауларды алып, қосымша тест-бақылау мақсатында Айтімбаев атындағы аса қауіпті инфекциялар ұлттық ғылыми орталығына жібергенін айтты.
Сондай-ақ, Денсаулық сақтау министрлігінің өкілі жалпы алғанда өткізу пункттері арқылы біздің елімізге Қытайдан 12,5 мыңнан астам азамат, оның ішінде 245 шетел азаматы келгенін атап өтті. Осыған байланысты медицина мамандары есепке қою үшін келгендердің барлығына телефон шалып шақырауда. Қазіргі уақытта дәрігерлер азаматтардың жартысын ғана телефон арқылы шақыра алды. Бұл бағыттағы жұмыс жалғасуда.
Сурет: novostivmire.com
