28-29 тамызда Нұр-Сұлтанда семинар өтеді, онда барлық ядросыз аймақтардың өкілдері осы саладағы ынтымақтастыққа қатысты мәселелерді талқылайды. Бұл туралы ҚР Сыртқы істер министрлігінің ресми өкілі Айбек Смадияров хабарлады.
Қазақстанның Тұңғыш Президенті Нұрсұлтан Назарбаевтың ядролық қарудан азат аймақтарды кездесуге шақыру туралы ядролық қаруға қарсы бастамасын жүзеге асыру аясында Сыртқы істер министрлігі 28-29 тамызда БҰҰ-ның қарусыздану мәселелері жөніндегі басқармасымен бірлесіп “Ядролық қарудан азат аймақтар арасында консультациялар тетіктерін дамыту және нығайту” тақырыбында семинар ұйымдастырады”, – деп хабарлады Смадияров брифингте.
Ол сондай-ақ, семинарда ядролық қарусыз аймақтардың барлық өкілдері ғана емес, сонымен қатар МАГАТЭ мен ЯДВЗЯИ сияқты ядролық сынақтарды тоқтату идеясын ілгерілетуге мүдделі халықаралық ұйымдар да жиналатынын атап өтті.
“Іс-шара барысында ынтымақтастықты нығайтудың негізгі мәселелері, перспективалары мен тәсілдері талқыланады, сондай-ақ аймақаралық ынтымақтастықты институционалдандыру жөніндегі ұсыныстар қаралады”, – деді Смадияров.
Іс-шара аясында “Ядролық қарусыз әлем және жаһандық қауіпсіздік” Назарбаев сыйлығын салтанатты тапсыру рәсімі өтеді.
Сурет: yandex.com
