ҚР Әділет министрлігі Қазақстан Республикасының 2030 жылға дейінгі құқықтық саясат тұжырымдамасының жобасын әзірледі, деп zakon.kz хабарлайды.
ҚР құқықтық саясат тұжырымдамасы ұлттық құқықты, құқық қорғау және сот жүйелерін дамытудың, сыртқы саяси және сыртқы экономикалық қызметтің, сондай-ақ құқықтық білім беру мен құқықтық насихаттың басым бағыттарын айқындайтын бағдарламалық құжат болып табылады.
Жаңа құжат, атап айтқанда, қоғамдық өмірде туындаған мәселелерді шешуде ең соңғы шара болуы керек қоғамдық қызметті реттеуді қарастырады.
Осыған орай, мемлекет алдында тұрған міндеттерді шешу кезінде, ең алдымен, реттеушілік араласумен байланысты емес балама тәсілдерді іздеу маңызды. Реттеуші шараларды енгізу қажет болған жағдайда, болжанатын мақсаттарға қол жеткізу үшін қолайлылығы және азаматтар мен ұйымдардың құқықтарын, бостандықтары мен заңды мүдделерін барынша шектеу дәрежесі тұрғысынан зерделенуі тиіс, – деп атап көрсетеді құжатты әзірлеушілер.
Тұжырымдама жобасы Құқықтық саясаттың ашықтығын көздейді, бұл “халық үніне құлақ асатын мемлекет”тұжырымдамасына сәйкес жүргізіліп жатқан реформаларға деген сенімді арттыруға тиіс.
Құжаттағы жеке бөлім ұлттық құқықты дамытудың негізгі бағыттарына арналған.
Атап айтқанда, НҚА келісу рәсімін оңтайландыру көзделеді. Осыған байланысты құжатпен танысу және оны талқылауға қатысу үшін мүдделі тұлғаларды хабардар ету тетіктерін, оның ішінде интернет-ресурста орналастырылған НҚА жобалары туралы ыңғайлы мобильді қосымша әзірлеу арқылы пысықтау жоспарлануда.
Тұжырымдама жобасы сондай-ақ адам құқықтарын қорғау саласындағы мемлекеттік саясатты күшейтуді көздейді, атап айтқанда, адам құқықтарын іске асыру сапасын арттыру үшін адам құқықтарын сақтауды бағалаудың Ұлттық индикаторларын әзірлеу және кезең-кезеңімен енгізу қажет.
Сондай-ақ, мемлекеттік аппараттың қызметін одан әрі жетілдіру туралы айтылады.
Төтенше жағдай кезінде мемлекеттік басқарудың қазіргі тетіктерін, жаңа қауіп-қатерлердің туындауын, арнайы бөлімшелер мен төтенше жағдайлар жөніндегі қызметтерді қоса алғанда, мемлекеттік органдардың бірлескен қызметінің ерекшеліктерін, оның ішінде жобалық басқару арқылы одан әрі пысықтау жоспарлануда.
