Бүгін Тәуелсіз Мемлекеттер Достастығына мүше елдердің тұрақты өкілдері Кеңесінің отырысы өтті. Оның қорытындысы бойынша Қазақстандағы парламенттік сайлауды ТМД бақылаушылар миссиясын Ресей Федерациясы Кеңесі төрағасының орынбасары Ілияс Умаханов басқарады деп шешілді.
Мемлекет Басшысы Қасым-Жомарт Тоқаевтың Жарлығымен Парламенттің төменгі палатасына сайлау 2021 жылғы 10 қаңтарда өткізілуі тиіс. Достастықтың бақылаушылар миссиясы өз жұмысын 21 желтоқсаннан бастайды.
ТМД бақылаушылары бастығының міндеті – сайлау науқанының ұлттық заңнамаға сәйкестігін бағалау, сондай-ақ демократиялық сайлау өткізуге жәрдемдесу.
Мәжілістегі депутаттық мандаттар үшін жарысқа алты саяси құрылым қатысады, атап айтқанда Nur Otan, “АҚ жол” Демократиялық партиясы, Халықтық партия, Жалпыұлттық социал-демократиялық партия, “Ауыл” саяси партиясы және “Адал” партиясы.
Бірқатар сарапшылар мен саяси шолушылар 2021 жылғы сайлауда ешқандай “тосынсый” болмайды және қазір Мәжілісте өкілдік етіп отырған Nur Otan, “Ақ жол” және Халық партиясы саяси бірлестіктері жеңіске жетеді деп пайымдайды.
Сурет: turantimes.kz
