Қазақстан Республикасының Президенті Қасым-Жомарт Тоқаев республикалық бюджеттің атқарылуын бақылау жөніндегі есеп комитетінің басшысы Наталья Годуновамен кездесу өткізді. Бұл туралы Tengrinews.kz жаңалықтар ресурсы хабарлайды.
Мемлекет басшысы агроөнеркәсіптік кешенді қолдауға, сондай-ақ “Жұмыспен қамтудың 2020-2021 жылдарға арналған Жол картасы”бағдарламасын орындауға бағытталған дағдарысқа қарсы ақша қаражатының жұмсалу аудитінің алдын ала қорытындылары туралы ақпаратты тыңдады.
Годунова Тоқаевқа экономикалық қолдау мен індетке қарсы күреске бөлінген қаражат есеп комитеті мен тексеру комиссияларының қатаң бақылауында екенін айтты.
Алдын ала нәтижелерге сәйкес тексерумен 940 млрд теңгеге жуық сомаға шығыстар қамтылды. Қазірдің өзінде бірнеше қаржылық бұзушылықтар, сондай-ақ ақшаны тиімсіз жоспарлау және пайдалану фактілері анықталды.
Есеп комитетінің басшысы атап өткендей, экономикаға, сондай-ақ халықтың әлеуметтік осал топтарына қолдау көрсетуге бағытталған ақша қаражаты аудитінің нәтижелерін Президентке осы жылдың желтоқсан айында ұсыну жоспарланып отыр.
Сонымен қатар, Тоқаевты 2021 жылдан 2023 жылға дейінгі кезеңге арналған мемлекеттік бюджет жобасын бағалау қорытындыларымен таныстырды.
Сурет: tengrinews.kz
