Қазақстан Ұлттық Банкінің қолма-қол ақша айналымы департаментінің басшысы Жомарт Қажмұратов 1 ақпаннан бастап елімізде айырбастау пункттері 09:00-ден 20:00-ге дейін жұмыс істейтіндігін мәлімдеді.
Бұл туралы Tengrinews.kz. жазады.
Ұлттық банктің қолма-қол ақша айналымы департаменті директорының айтуынша, бұл жұмыс кестесінің өзгеруі айырбастау пункттері мен олардың клиенттерінің қауіпсіздік деңгейін арттыру мақсатында жасалған.
Оның айтуынша, бұл кешкі және түнгі уақытта қолма-қол шетел валютасын сату бағамын көтеру және халық арасында негізсіз дүрлікпе тудыру фактілерін болдырмауға көмектеседі.
Алайда, Жомарт Қажмұратов атап өткендей, Қазақстаннан әуежайлар, темір жол.х вокзалдары және мемлекеттік шекара арқылы өткізу пункттері арқылы келетін немесе шығатын азаматтар үшін айырбастау пункттерінің жұмыс тәртібі шектелмейді.
Тағы бір жаңалық: енді айырбастау пункттерінде Қазақстан азаматтарының аттары жазылады,ал айырбастау орнының жарғылық капиталының ең аз мөлшері енді әрбір айырбастау пункті үшін 100 миллион теңгені құрауы тиіс.
