Денсаулық сақтау министрі Алексей Цой 30 наурызда баспасөз мәслихатын өткізді. Ол өте ұзақ болды, министр екі сағаттан астам уақыт журналистердің сұрақтарына жауап берді. Негізінен, баспасөз вакциналауға, дәлірек айтқанда оның сәтсіздігіне байланысты мәселелерге қызығушылық танытты, өйткені бүгінгі күні вакцинацияланған азаматтардың саны 1%-дан аз.
Бүгінгі таңда республикада “Спутник V” вакцинасы бар. Министр конференция барысында облыстарға Қарағанды зауыты өндірген 150 мың дозаны жеткізу жүзеге асырылып жатқанын хабарлады. Сондай-ақ, осы айда басқа өндірушілерден вакцина жеткізу жоспарланған, Денсаулық сақтау министрлігі басшысының айтуынша, шамамен 2,5 миллион доза ресейлік вакцина жеткізілмек. Осы арқылы Үкімет вакцинациялауға жататын контингентті барынша кеңейтуге және екпе алғысы келетін қазақстандықтар үшін қолжетімді етуге тырысуда. Бірақ сонымен бірге Денсаулық сақтау министрлігі ЕО, АҚШ және ҚХР-мен келіссөздер жүргізіп жатқаны белгілі болды. Алайда, бұл жерде де проблема бар, шетелдік өндірушілер біздің еліміз сұраған көлемдегі впкцинаны бере алмайды. Министрдің айтуынша, ведомство шетелдік фармацевтикалық компанияларға вакцинаны сатып алуға дайын екендігі туралы хат жіберген. Бірақ компаниялар өз препараттарын қашан сата алатындығы әлі белгісіз.
Бірнеше күн бұрын ол республикаға қытайлық вакцинаның 3 миллион дозасы келетінін хабарлады. “Жақында тағы 3 миллион доза Sinovac күтілуде”, – деді ол сол кезде. Осыған байланысты журналистер оған нақты сұрақтар қойды. Ал министр қазіргі уақытта тек келіссөздер жүріп жатқанын, ешкім келісімшарт жасамағанын айтты. Кеңесте айтылған сөз туралы айта келе, ол мәнмәтіннің үзіндісі екенін айтты. Оған Алматыдағы кездесу жабық түрде болғанын, сондай-ақ сол кездесуден бейне ақпарат жариялаған ведомствоның баспасөз қызметі сөйлемнен үзіп алғанын еске салды. Тағы бір қызығы, кеңес өткізілген күні ҚР-дағы Қытай дипломатиялық
өкілдігінің сайтында ҚХР Елшісі Чжан Сяомен сұхбат пайда болды, онда ол “жақында Қытайдан Қазақстанға 3 миллион флакон вакцина жеткізілді” деп хабарлады. Бұған жауап ретінде Цой агенттік бұл туралы ештеңе білмейтінін және бізге келген вакцина қолдануға рұқсат беру үшін, бірінші реттеушіге түсуі керек екенін айтты. Бірақ министрлік мұндай өтінішті алған жоқ, алса, онда ол, әрине, қаралады.
Сонымен қатар, біздің ғалымдарымыз жасаған өз вакцинамыз бар, бірақ оның жаппай өндіріске қашан енетіні белгісіз. Бұрын өткен айдың соңында клиникалық зерттеулердің соңғы кезеңі аяқталатыны және ол республикада уақытша тіркеуден өткені хабарланған. Ведомство басшысы біздің медициналық дәрі-дәрмектің “шығарылады, біз құжаттарды алғаннан кейін, қолдануға рұқсат беруді жоспарлап отырмыз, бұл шамамен сәуір айының соңы” деді. Алайда, ол жаппай өндіріле бастау мерзімін айта алмады, өйткені оны шығаратын зауыт әлі салынып жатқан болар. “Зауытты Денсаулық сақтау министрлігі салып жатқан жоқ. Оның құрылысы жүріп жатыр.. Жақын арада салынуы тиіс”, – деп атап өтті министр.
Қытайлық вакцина бойынша бұрмалау қайран қалдырады, өйткені бізді кім жаңылтқысы келетіні белгісіз. 26 наурызда Денсаулық сақтау министрлігінің баспасөз қызметі мен ҚХР-дың Қазақстандағы елшісінің ұстанымы толық сәйкес келді, ал енді диаметрлі қарама-қарсы болып шықты. Сондай-ақ, қаңтар айынан бастап Ресей вакцинасының өндірісі республика ішінде неге ашылмағаны белгісіз, өйткені бұл туралы мемлекеттің бас тұлғалары бірнеше рет айтқан. Осы сұрақтардың барлығы жауапсыз қалып қойған, тек әлеуметтік желілерде қауесет пен наразылық тудыруда. Бірақ, бұрын жарияланған вакциналау науқаны сәтсіз аяқталған сияқты.
Ажар Ибраева, саяси шолушы, арнайы «Эхо Казахстана» үшін
