Экстремизм мен терроризмге қарсы іс-қимыл басқармасының мамандары деструктивті сипаттағы ақпарат мәніне әлеуметтік желілер мониторингінің нәтижелері туралы айтты, деп хабарлайды “ҚазАқпарат” жаңалықтар ресурсы.
Көліктегі полиция басқармасының хабарлауынша, мониторинг қорытындысы бойынша темір жол ұйымдарының үш қызметкерінен деструктивті сипаттағы аудиодәрістер анықталған. Олар Алматы, Түркістан және Ақтөбе облыстарының тұрғындары.
Дінтану сараптамасы жүргізілгеннен кейін, аудиожазбалар біздің еліміздің аумағында тыйым салынған болып табылатыны анықталды.
Осыған байланысты темір жол ұйымдарының қызметкерлері әкімшілік жауапкершілікке тартылды. Оларға деструктивті сипаттағы аудиожазбаларды сақтағаны үшін 20 айлық есептік көрсеткіш көлемінде айыппұл салынды.
Қазақстан Республикасының Көлік полициясы біздің елде конституциялық құрылысты күштеп өзгертуді, ұлттық қауіпсіздікке нұқсан келтіруді және әлеуметтік араздықты қоздыруды үгіттеуге бағытталған ақпаратты сақтауға және таратуға тыйым салынатынын еске салады.
Сурет: sensor.net.ua
