ҚР ІІМ басшысы Президентке елде туристік полиция өз жұмысын бастағанын хабарлады.
Туристік полицияның басты міндеттері – ел туристері мен қонақтарына оларды қызықтыратын мәселелер бойынша кеңес беру және ақпараттандыру және олардың қауіпсіздігін қамтамасыз ету.
Туристік полиция бөлімшелері қазірдің өзінде Нұрсұлтан, Алматыда, Ақмола, Алматы, Түркістан және Шығыс Қазақстан облыстарында құрылған.
Туристік полиция қызметкерлері бейнетіркегіштермен, планшеттермен, рациялармен жабдықталады. Олар қазақ, орыс, ағылшын тілдерін, Қазақстан тарихын білуі, қарым-қатынас орната білуі және жедел болуы тиіс.
Қазақстан Президенті Қасым-Жомарт Тоқаев полицияның жекелеген бөлімшелерін шетелдік туристермен жұмыс істеуге мамандандыру бойынша қабылданып жатқан шараларды мақұлдады және олардың қауіпсіздігін қамтамасыз ету – қолайлы инвестициялық ахуалдың маңызды шарты екенін мәлімдеді.
Сурет: informburo.kz
