Өткен апта еліміздің сыбайлас жемқорлыққа қарсы қызметі үшін қылмыстар анықтау тұрғысынан өте мазмұнды болды. Бұл туралы Сыбайлас жемқорлыққа қарсы іс-қимыл агенттігінің бірінші департаментінің аса маңызды істер жөніндегі тергеушісі Данияр Бигайдаров мәлімдеді.
Оның айтуынша, өткен аптада сыбайлас жемқорлыққа қарсы ведомство қызметкерлері сыбайлас жемқорлық фактілері бойынша 80-нен астам сотқа дейінгі тергеу тіркеген.
Сондай-ақ, Данияр Бигайдаровтың айтуынша, сыбайлас жемқорлықпен күресушілер сыбайлас жемқорлық қылмысы күдігімен 12 шенеунікті ұстады. Олардың 10-ына қамауда ұстау түрінднгі бұлтартпау шарасы қолданылды.
Мысалы, осы аптада сыбайлас жемқорлыққа қарсы күрескерлер шекара бекеті арқылы кедергісіз өту үшін тұрақты негізде пара алып отырған “Нұр жолы” кеден бекетінің 8 лауазымды тұлғасының заңсыз іс-әрекетінің жолын кескен.
Осы шенеуніктер туралы айта келе, Биғайдаров оларға қатысты қазір сотқа дейінгі тергеу жүргізіліп жатқанын, оның 2-уі бұл әрекетті мойындағанын айтты. Лауазымды адамдардың кінәлілік дәрежесін сот анықтап, түпкілікті шешімді шығарады.
Сурет: sputniknews.kz
