Өкінішке орай, қазақстандық білім беру жүйесінің рейтингтері жоғары емес. Мысалы, PISA білім алушылардың білім жетістіктерін бағалау жөніндегі халықаралық бағдарламаға қатысу нәтижелері бойынша біздің еліміз 78 қатысушы елдің арасында оқу және жаратылыстану-ғылыми сауаттылығы бойынша тек 69-шы орынды және математикалық сауаттылығы бойынша 54-ші орынды иеленді. Білім беру сапасының проблемасын шешуге, оның ішінде BINOM мектептері желісін салу жөніндегі ауқымды инновациялық жоба бағытталған. Тарихта алғаш рет қазақстандық оқушылар халықаралық сапалы білімді тегін ала алады.
Жобалық қуаты әрқайсысы бір ауысымда 2 000 оқушы болатын Нұр-Сұлтандағы алғашқы алты бірегей мектепті іске қосу 2021-2022 жж. мүмкін болады.
Құрылыс мемлекеттік-жекешелік әріптестік тетігі арқылы іске асырылатын болады. Бизнес тәуекелдер мен инвестицияларды өз мойнына алады, ал мемлекет құрылыс пен оқытуға жұмсалған шығындарды бірнеше жыл ішінде өтеуді қамтамасыз етеді.
Қазақстанда мектеп салу бойынша мемлекеттік бағдарлама бар және оған кез келген инвестор-компания қатыса алады. Қазақстанның бірнеше ірі құрылысшылары жобаға қосылды, – деді BI Construction & Engineering бизнесті дамыту жөніндегі директоры Аян Зикирин.
Мектептер инновациялық прогрестің соңғы сөзі бойынша жарақтандырылатын болады. Smart-жабдықтау деңгейі бойынша Binom аналогы НЗМ болып табылады. Әр мектепте кеңейтілген зертханалар, кинозал, ойын бөлмелері, смарт-сыныптар, шығармашылық эксперименттерге арналған 3D-принтер, робототехника кабинеттері бар.
Кітапханаларда ноутбуктер мен интерактивті парталар болады, ал аумақта жылыжайлар мен натуралистік аймақтар, күркелер, work-out және спорт алаңдары орналасады.
Естеріңізге сала кетейік, Президент Министрлер Кабинетінің кеңейтілген отырысы аясында 800 жаңа мектеп салу қажеттігін айтқан болатын, оның ішінде 2021 жылға арналған міндет – 200 жаңа мектеп ашу. Тек елордада 26 мың оқушы орны жетіспейді, 2025 жылға қарай болжамды тапшылық-90 мыңнан астам, жалпы Қазақстан бойынша 260 мың оқушы орын тапшылығын сезінуде.
