Kazakh Tourism АҚ Басқарма төрағасының орынбасары Еркебұлан Хасенов Азия-Тынық мұхиты аймағының халықаралық туристік көрмесінде Tax free жүйесін енгізудің артықшылықтары және туристерге салықты қайтару пайызы туралы айтты.
Оның айтуынша, Tax free жүйесін енгізу есебінен елімізге жылына 300 мыңға жуық шетелдік туристерді тарту жоспарланып отыр.
Салық сомасын қайтару жүйесі барлық дамыған туристік дестинацияларда қолданылады. Статистикаға сәйкес, Tax free енгізу көптеген елдерде сауда айналымын ғана емес, сондай-ақ, туристер ағынының ұлғаюына ықпал етеді.Жалпы, елде Tax free жүйесінен күтілетін экономикалық тиімділік – 2025 жылға дейін 198 млрд теңге”, – деп атап өтті Хасенов.
Сонымен қатар, төрағаның орынбасары туристерге қайтару пайызы туралы хабарлады. Бұл пайыз банк, бренд және операторға байланысты өзгереді. Оның айтуынша, туристер елге келгеннен кейін үш ай ішінде қайтарып ала алады.
Сурет: 1cab.ru
