Сауда және интеграция министрлігінің басшысы Бақыт Сұлтанов Қазақстанда Өнімді сертификаттаудың танылған жүйесін қалыптастыруға ниетті екенін мәлімдеді. Бұл азаматтардың тауарлар мен қызметтер сапасының деңгейіне қойылатын заңды талаптарын қанағаттандыруға мүмкіндік береді.
“Жыл сайын озық халықаралық құжаттар негізінде мемлекеттік және мемлекетаралық стандарттар әзірленеді”, – деп атап өтті Сұлтанов министрліктің жұмысы туралы азаматтар алдында есеп бере отырып.
Мұндай стандарттарды қолдану, ведомство басшысының айтуынша, өндірушілерге өнім шығаруға және жоғары сапалы қызмет көрсетуге және тұтыну нарығында сәтті бәсекелесуге мүмкіндік береді.
“2019 жылы 1 000 жаңа Ұлттық стандарт әзірленіп, алдағы 5 жылда тағы 2 500 жаңа стандарт әзірленеді. Мысалы, биыл халал стандарттары алғаш рет енгізілді. Олар Ислам Ынтымақтастығы Ұйымының, ислам елдерінің стандарттар және метрология институтының, MS (Малайзия) стандарттарының және басқа да бірқатар талаптардың есебімен әзірленген”, – деп бейінді ведомство басшысы хабарлады.
Бақыт Сұлтанов сондай-ақ сәйкестік сертификаттарын беретін субъектілерді аккредиттеудің электрондық жүйесі іске қосылғанын еске салды. Бұл жүйенің жұмысы құжаттарды бұрмалау жағдайларын болдырмауға мүмкіндік берді.
“Біздің қысқа мерзімді жоспарларымызда-өнімді сертификаттаудың танылған жүйесін құру. Сондықтан біз заманауи зертханалық желіні қалыптастыруға ден қоямыз. Еліміздің 904 сынақ зертханасының үштен бірі Еуразиялық экономикалық комиссияның бірыңғай тізіліміне енгізілді. Жаңа бағыттар бойынша (халал, органикалық және GLP) зертханалар жаңғыртылады”, – деп қорытындылады министр.
Сурет: inform.kz
