Кешегі күннен бастап Қазақстан Республикасының аумағында жолаушылар қатынасын жаңартудың 2-ші кезеңі аясында тағы 34 жолаушылар пойызы қозғалысы басталды. Бұл туралы «Қазақстан темір жолы» компаниясының баспасөз бөліміне сілтеме жасай отырып, «ҚазАқпарат»жаңалықтар ресурсы хабарлайды.
Коронавирустық инфекцияның таралуына жол бермеу жөніндегі ведомствоаралық комиссия Индустрия және инфрақұрылымдық даму министрлігінің шешіміне сәйкес биылғы жылдың 10 маусымынан бастап республика бойынша тағы 34 жолаушы рейсін іске қосты.
Сондай-ақ жазға Алакөл көліне дейін қосымша төрт жолаушы пойызы тағайындалды.
Мәселен, Қазақстанда жалпы алғанда 119 жұп теміржол жолаушылар рейстері қатынайтын болады.
Мемлекеттік шекара ашылғаннан кейін, сондай-ақ басқа елдердің теміржол әкімшіліктерімен келісілгеннен кейін қалған маршруттарды біртіндеп жаңарту жоспарлануда.
Сонымен қатар, көліктегі бас санитарлық дәрігердің осы жылғы 9 маусымдағы өкіміне сәйкес, темір жол вокзалдарының ғимаратына шығарып салушы адамдарды жібермеу ережесі алынып тасталды, сондай-ақ алдын ала тапсырыс бойынша жолаушыларға жеткізу әдісімен поездардағы қоғамдық тамақтану объектілерінің жұмысы рұқсат етілді.
Осыған байланысты көліктегі Бас санитарлық дәрігердің қаулысында қамтылған талаптарды ескере отырып, вагон-мейрамханалардың жұмысын ұйымдастыру мәселесі талқылануда.
«Қазақстан темір жолы» компаниясының басшылығы жолаушылардан вокзал мен жолаушылар пойызының ішіндегі санитарлық нормаларды, әлеуметтік қашықтықты, бет перде режимін қатаң сақтауды сұрайды.
Сурет: lenta.inform.kz
