ҚР Ақпарат және қоғамдық даму министрлігі ҚР Тәуелсіздігінің 30 жылдығы құрметіне мерекелік медаль тағайындау туралы ҚР Президенті Жарлығының жобасын дайындады, деп zakon.kz хабарлайды.
“Қазақстан Республикасының Тәуелсіздігіне 30 жыл” мерекелік медалі тағайындалсын”, – делінген құжатта.
Сондай-ақ жарлықпен мерекелік медальмен марапаттау қағидалары бекітіледі.
Мерекелік медальдің бет жағында (аверсінде) “Қазақстан ТӘУЕЛСІЗДІГІНЕ 30 ЖЫЛ”деген жазу орналасқан. Мерекелік медальдің төменгі бөлігінде ұлттық ою-өрнек бейнесі орналасқан.
Мерекелік медальдің сыртқы жағында (реверсінде) орталық бөлігінде төрт жолмен орындалған “Қазақстан Республикасының ТӘУЕЛСІЗДІГІНЕ 30 ЖЫЛ” деген жазу орналасқан. Жазудың төменгі және жоғарғы жағында ұлттық ою-өрнек элементтері орналасқан.
Мерекелік медальдағы барлық бейнелер мен жазулар бедерлі, алтын түстес. Аверс пен реверс беті күңгірттелген.
Мерекелік медаль сары түсті металдан (жезден) дайындалады.
Ережеге сәйкес, мерейтойлық медаль Қазақстан Республикасының азаматтары мен Қазақстан Республикасының мемлекеттілігін қалыптастыруға, егемендігін нығайтуға және әлеуметтік-экономикалық дамуына зор үлес қосқан шетелдік азаматтарға беріледі.
Мерекелік медальмен наградтауға ұсыныстарды Қазақстан Республикасының Президентіне Қазақстан Республикасының Парламенті, Үкіметі, министрліктері, өзге де орталық мемлекеттік органдары, Нұр-сұлтан, Алматы және Шымкент қалаларының, облыстардың әкімдері, сондай-ақ қоғамдық ұйымдар енгізеді.
Мерекелік медальді ҚР Президенті тапсырады.
ҚР Президентінің атынан және оның тапсырмасы бойынша мерекелік медальді:
ҚР Мемлекеттік хатшысы;
Нұр-сұлтан, Алматы және Шымкент қалаларының, облыстардың әкімдері, сондай-ақ Мемлекет басшысы осыған уәкілеттік берген өзге де лауазымды адамдар кіреді.
Мерекелік медальмен бірге наградталған адамға белгіленген үлгідегі куәлік тапсырылады.
