Қазақстан Үкіметі Ұлттық банкпен бірлесіп біздің республикамыздың импортқа тәуелділігін төмендетуге қатысты шараларды әзірлеумен айналысуда. Бұл туралы қаржы реттегіш басшысы Ерболат Досаев айтты.
Атап айтқанда, Досаевтың айтуынша, бүгінгі таңда министрлер кабинеті және Қазақстанның Ұлттық Банкі отандық экспортты әртараптандырумен және импортты алмастыру бағдарламасын кеңейтуге байланысты бірлескен жұмыс жүргізуде.
“2020 жыл туралы айтатын болсақ, ағымдағы шоттың өсіп келе жатқан тапшылығы өз қысымын көрсетеді. Сондықтан Үкіметпен келісім аясында біз тұтыну импортының өсу көлемін азайту үшін, әсіресе “қарапайым заттар экономикасы” аясында шаралар қабылдаймыз”, – деді Ұлттық банк төрағасы.
Қазақстан Министрлер кабинетінің басшысы Асқар Мамин бұрынырақ агроөнеркәсіптік кешенді мемлекеттік қолдау мәселелері бойынша Үкімет отырысы аясында еліміздің әлеуметтік маңызы бар өнімдері импортына тәуелділігін төмендету туралы мәселені қозғаған болатын.
Ол кезде премьер-министр, импорттық тауарларға тәуелділікті болдырмауға мүмкіндік беру үшін, 3-5 жыл ішінде республикамызды әлеуметтік маңызы бар барлық азық-түлікпен толық қамтамасыз ету қажеттігін айтқан болатын.
Сурет: amp.kp.kz
