Президент Қасым-Жомарт Тоқаев азаматтарға үндеуінің аясында Қазақстан Республикасында төтенше жағдайдың енгізілуі туралы түсінік берді. Бұл туралы zakon.kz ақпарат агенттігі хабарлады.
Қасым-Жомарт Тоқаев Дүниежүзілік денсаулық сақтау ұйымы коронавирустық инфекцияны пандемия деп жариялағанын атап өтті. Осыған байланысты елімізде төтенше жағдай енгізу туралы шешім қабылданды.
Сонымен қатар, Президент Тоқаев Қазақстан коронавирустың таралуына жол бермеу жөнінде арнайы штаб пен ведомствоаралық комиссия құрған алғашқы ел болғанына назар аударды.
Мемлекет басшысы төтенше жағдай режимі біздің елімізде 30 күн бойы – биылғы жылдың 16 наурызынан 15 сәуіріне дейін әрекет ететінін түсіндірді.
Алайда, Қасым-Жомарт Тоқаев қажет болған жағдайда, төтенше жағдай режимі ұзартылуы мүмкін екенін баса атап өтті.
Үкімет резервінен қаражат бөлінетін төтенше жағдай режимі коронавирустың таралуының алдын алу бойынша қатаң шаралар енгізуді көздейді, оның ішінде қоғамдық тәртіпті қорғау күшейтіледі және адамдардың жаппай қатысуымен іс-шаралар өткізуге тыйым салынады.
Қазақстан денсаулық сақтау министрлігінің соңғы мәліметтері бойынша, елімізде коронавирус ауруының 9 жағдайы тіркелген.
