Кәсіпкерлерді құқықтық қорғау департаментінің басшысы Шыңғыс Темір Қазақстандағы төтенше жағдай кезеңінде салықтық тексерістерді тоқтату мәселесі қарастырылып жатқандығын айтты, деп хабарлайды ҚазАқпарат агенттігі.
Онлайн-брифинг барысында “Атамекен” Ұлттық кәсіпкерлер палатасының өкілі барлық өсімақылар мен айыппұлдарды тоқтату мәселесі қарастырылып жатқанын атап өтті.
Сонымен қатар, Шыңғыс Темірдің айтуынша, қазақстандық ауыл шаруашылығы өнімдерін өндірушілерді жер салығынан босату ұсынылуда.
“Сондай-ақ, декларация бойынша бірінші және екінші тоқсандағы салық есептілігін үшінші тоқсанда уәкілетті органға беру үшін, салық есептілігінің мерзімін екінші тоқсаннан үшінші тоқсанға ауыстыру ұсынылады”, – деп қосты Шыңғыс Темір.
Мұндай шаралар коронавирустың таралуының күрделі жағдайына байланысты Қазақстанда енгізілген төтенше жағдай режиміне байланысты ұсынылады.
Сурет: interbuh.com
