Құқық қорғау органдарының қызметкерлері Шымкентке жақын орналасқан әскери бөлімнен ұрланған барлық қаруды тапты. Бұл туралы ҚР ІІМ баспасөз қызметі хабарлады.
Жедел-іздестіру іс-шараларының нәтижесінде 29 АК-47 автоматы, 28 Макаров тапаншасы және тағы бір травматикалық тапанша табылды. Осыған байланысты ІІМ-де ұрланған қаруды қолдану қауіпі жоқ деп мәлімдеді.
Сонымен қатар, Ішкі істер органдары мен ұлттық қауіпсіздік комитетінің қызметкерлері атыс қаруын ұрлауға қатысты тағы бір күдіктіні ұстады.Ішкі істер министрлігіндегілердің айтуынша, төртінші адам Шымкентте танысының үйінде жасырынып жатқан жерінен табылды.
Ішкі істер министрлігінің ақпараты бойынша, әскери бөлімнен атыс қаруын ұрлағаны үшін 8 адам — төрт әскери қызметші, оның ішінде дивизион командирі және төрт азамат күдікті.
Еліміздің құқық қорғау ведомствосында атыс қаруын ұрлау фактісі бойынша сотқа дейінгі тергеу жалғасуда.
Бұған дейін БАҚ-та Шымкентке жақын орналасқан әскери бөлімнен әскери қызметші — кіші сержант Абылай Балғынбай қашып кеткендігі туралы ақпарат пайда болған.
Кейін әскери бөлімнен атыс қарулары жоғалғаны белгілі болды. Осыған байланысты қылмыстық іс қозғалды.
Сурет: Pikabu.ru
