Қазақстан Республикасында Қылмыстық жолмен алынған кірістерді заңдастыруға, сондай-ақ террористік қызметті қаржыландыруға қарсы күреске бағытталған іс-шаралар барысында тәркіленген мүлік қорын құруға ниетті. Бұл туралы елдің бірінші вице-премьер-министрі – Қаржы министрлігінің басшысы Әлихан Смайылов Парламент Сенатының отырысында тиісті заң жобасын талқылау барысында айтты.
“Халықаралық ұсыныстар бойынша мемлекеттерге тәркіленген мүліктің арнайы қорын құру мүмкіндігін қарастыру керек, сондықтан біз бұл нормаларды заңнамаға енгіземіз. Арнайы заңды тұлға немесе арнайы есеп болмайды”, – деп түсіндірді Смайылов.
Сондай-ақ, министр бұл мүлік коммуналдық мемлекеттік меншікке бөлінетінін айтты.
“Республика меншігіне жылжымайтын мүлік, көлік, мұнай, бағалы металдар, коммуналдық меншікке жер телімдері, астық, азық – түлік тауарлары беріледі. Мұндай мүлікті Қаржы министрлігінің Мемлекеттік мүлік және жекешелендіру комитеті мен жергілікті атқарушы органдар басқарады”, – деді ол.
“Қазақстан Республикасының кейбір заңнамалық актілеріне қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл мәселелері бойынша өзгерістер мен толықтырулар енгізу туралы” заң жобасы депутаттар бірінші оқылымда қаралып, бүгін екінші оқылымда қаралатын болады.
Сурет: kaztag.kz
