Қазақстанның еңбек нарығында жоғары бәсекелестік байқалады, себебі түлектердің саны кадрларға деген қажеттіліктен асады. Бұл туралы “Атамекен” Ұлттық кәсіпкерлер палатасы басшысының орынбасары Олжас Ордабаев мәлімдеді.
“Атамекен” төрағасының орынбасары кәсіпкерлер палатасы зерттеу жүргізгенін айтты. Оның нәтижесі бойынша 2019 жылдың соңы – 2020 жылдың басында жоғары білімді мамандарды шығару Қазақстандағы кадрларға деген қажеттіліктен 5,3 есе артық екені анықталды.
Бұған қарамастан, Олжас Ордабаевтың айтуынша, біздің республикада агрономия, құрылыс, менеджмент, есеп және аудит саласында білікті кадрлар тапшылығы бар.
Сондай-ақ, кәсіпкерлер палатасы басшысының орынбасары жоғары білімді мамандардың жетіспеушілігі ауыл шаруашылығы саласында да байқалатынын атап өтті.
“Біз ауыл шаруашылық мамандықтарына деген үлкен қажеттілікті көріп отырмыз, бірақ, өкінішке орай, түлектер жоғары оқу орнын бітіргеннен кейін – ал бізде ауыл шаруашылық саласы бойынша жақсы түлектер шығарылады – агрономдар, мал дәрігерлері ауылға жұмыс істеуге бармайды”, – деді Ордабаев.
Сурет: logists.by
