Сыбайлас жемқорлыққа қарсы қызметтің басшысы Алик Шпекбаев республикамызда сыбайлас жемқорлық қылмысын Отанға опасыздық жасаумен теңестіру керектігін мәлімдеді, деп хабарлайды tengrinews.kz ақпарат ресурсы.
Шпекбаев мұндай мәлімдемені Рудный қаласының қоғамдық ұйымдары мен билік органдарының өкілдерімен кездесуде айтты.
Ол бүгін әрбір мемлекеттік органның басшысына жоғары талаптар қойылатынын, себебі ол басқаратын ведомствоның тиімділігі оған байланысты екенін атап өтті.
“Басшылардың сыбайлас жемқорлық тудыратын кез келген жағдайды жою бойынша белсенді іс-қимыл қабылдағаны маңызды. Ол үшін құралдар бар, бастысы – шынайы ықыластың болуы”, – деді Шпекбаев.
Республиканың сыбайлас жемқорлыққа қарсы бас хатшысының пікірінше, біздің елімізде азаматтар мен мемлекеттік қызметшілер арасындағы сындарлы диалогты кеңейту керек. Сонымен қатар, Шпекбаев қоғамдық бақылауға қолайлы жағдай жасау бойынша жұмысты күшейту қажет деп санайды.
Сыбайлас жемқорлыққа қарсы қызмет басшысы еліміздегі мемлекеттік қызметте тек тиімді қызметкерлер ғана жұмыс істеуі керек екенін атап өтті.
Сурет: Inform.kz
