Мемлекетіміздің Жоғарғы Сотының басшысы Жақып Асанов соңғы үш жылда судьяларға қатысты қылмыстық істер сегіз жыл бұрынғыға қарағанда көп қаралатынын айтты, деп хабарлайды kursiv.kz ақпарат ресурсы.
Асанов мұндай мәлімдемені судьялардың VIII съезінде айтты. Ол адал болуға шақырулар қажетті нәтиже бермейтінін мойындады, сондықтан “қатал әдістерді” қолданудан басқа амал қалмағанын айтты.
Мәселен, Жоғарғы сот қауіпсіздік қызметті Ұлттық қауіпсіздік комитеті қызметкерлерімен күшейтті, сондай-ақ сыбайлас жемқорлыққа қарсы іс-қимыл агенттігімен өзара іс-қимылды жолға қойды. Осының нәтижесінде біздің республикамызда судьяларға қатысты қозғалған қылмыстық істердің саны, сегіз жылға қарағанда, соңғы үш жылда көбірек қаралды.
Сондай-ақ сыбайлас жемқорлыққа қарсы күрес мақсатында отандық сот жүйесінде республика бойынша күн сайын қаралатын істердің жалпы саны 20 мыңнан 6 мыңға дейін азайтылды.
Асанов 2018 жылдан бастап бүгінгі күнге дейін 28 судьяға қатысты қылмыстық істер ашылғанын, олардың жартысы сотталғанын, ал қалғандары не жұмыстан босатылғанын немесе тергеу үстінде екенін атап өтті.
Бұған дейін президент Қасым-Жомарт Тоқаев Қазақстан Республикасында сот жүйесін қайта форматтап, реформаларды тиімді жүргізу керектігін айтқан болатын. Мемлекет басшысының айтуынша, елімізге нақты нәтижелер қажет.
Сурет: kon.su
