Республикамыздың қорғаныс ведомствосы басшысының орынбасары генерал-лейтенант Мұрат Бектанов Алматы, Қапшағай және Отар гарнизондарының әскери бөлімдерінің жауынгерлік әзірлігіне жоспардан тыс тексеру жүргізді, деп хабарлады Қазақстан Қорғаныс министрлігінің баспасөз қызметі.
Қорғаныс министрлігі жоспардан тыс тексеру жауынгерлік жағдайға жақын жағдайда жүргізілді хабарлады. Атап айтқанда, дабыл бойынша көтерілгеннен кейін Алматы, Қапшағай және Отар гарнизондарының әскери қызметшілері жедел түрде полигондарға шығып, тапсырмаларды орындауға кірісті, оның барысында Отан қорғаушылардың тактикалық, дене шынықтыру және атыс даярлығы тексерілді.
Оқу іс-шаралары барысында әскери қызметшілер шартты қарсыластың шабуылына тойтарыс беру іс-қимылдарын пысықтады, сондай-ақ әскери мақсаттағы қару-жарақ техникасынан практикалық оқ атуларды орындады.
Алматы облысының әуе шабуылына қарсы қорғаныс бөлімшелерінде де жауынгерлік әзірлікке жоспардан тыс тексеру жүргізілді.
Қорғаныс ведомствосының айтуынша, негізгі мақсаты жауынгерлік әзірлікті тексеру болып табылатын оқу іс-шараларына 8 мыңға жуық әскери қызметші, 200-ден астам танк, жаяу әскер
жауынгерлік машиналары мен бронетранспортерлер, сондай-ақ онға жуық әуе кемелері мен ұшқышсыз ұшу аппараттары жұмылдырылды.
Жоспардан тыс тексеру нәтижелері ауа райының қолайсыздығына қарамастан, әскери қызметшілер барлық қойылған міндеттерді сәтті орындап, біздің әскердің жақсы жауынгерлік дайындығын көрсетеді.
Сурет: gov.kz
