Коронавирустық індет әскерге шақыру науқанын басқаратын әскери қызметкерлерге жаңа тәжірибе жинауға мүмкіндік берді. Бұл туралы Қорғаныс Министрлігі басшысының бірінші орынбасары – Қазақстан Қарулы Күштері Бас штабының бастығы генерал-лейтенант Мұрат Бектанов айтты.
Қорғаныс министрлігі өткен жылғы әскерге шақыру науқанының қорытындыларын шығарды, сондай-ақ келесі әскерге шақыру кезеңіне арналған міндеттерді белгіледі.
Эпидемияға байланысты жағдайдың әскерге шақыру науқанына айтарлықтай әсер еткеніне қарамастан, өткен жылы 34 000-ға жуық қазақстандық әскери қызметке шақырылды, деп ведомствода атап өтті.
“Жалпы алғанда, 2020 жылғы шиеленіскен қиындықтар, мәселелер мен сәйкессіздіктер кезінде біз әскерлерді шақыру мен жасақтауға байланысты барлық міндеттерді шештік. Ең бастысы, біз болашақта тиімді жұмыс істеуге мүмкіндік беретін белгілі бір тәжірибе мен қажетті дағдыларды алдық”, – деді Бектанов кеңейтілген кеңес барысында.
Сонымен қатар, генерал-лейтенант елде әскерге шақыру науқаны кезінде әскерге шақырылушыларды алдын ала хабардар ету мәселелері әлі толық шешілмегенін қосты. Осыған байланысты “электрондық үкіметтің”деректер базасымен интеграциялауға бағытталған қызмет жүргізілуде. Бұл әскерге шақырылушыларды белгілеуді жеңілдетеді, сондай-ақ оларды SMS-хабарламалар арқылы уақтылы хабардар етеді деп күтілуде.
Сурет: sputnik.kz
