Қазақстан премьер-Министрінің бірінші орынбасары Әлихан Смайылов Үкімет отырысында республикада шикізаттық емес экспортты жылжытатын арнайы жол картасы әзірленгенін мәлімдеді. Бұл туралы Қазақстан Республикасы Үкіметінің баспасөз қызметі хабарлады.
“Тауарлар мен қызметтердің шикізаттық емес экспортын жылжыту бойынша Жол картасын таяу уақытта Үкіметтің қарауына енгізеді”, – деді Смайылов.
Үкімет басшысының орынбасарының айтуынша, алдымен жаңа сауда байланыстарын құруға назар аудару керек. Бүгінгі таңда Қазақстан үшін негізгі сауда байланыстары Орталық Азия елдері, ЕАЭО, сондай-ақ Қытайға жақын орналасқан елдер болып табылады.
“Бұл үшін шетелде сауда өкілдіктерінің желісін ашу ұсынылады. Сауда саясатын дамыту орталығы базасында Qazatrade экспорттаушыларының толыққанды бірыңғай терезесін құру жоспарлануда”, – деп толықтырды бірінші орынбасар.
