Еліміздің көшбасшысы Қасым-Жомарт Тоқаев Ұлттық қоғамдық сенім кеңесінің отырысында Президент Әкімшілігіне ауыл шаруашылығы мақсатындағы жерлерді шетелдік азаматтарға сатуға немесе жалға беруге тыйым салатын заң жобасын дайындауды тапсырды. Бұл туралы Ақорданың ресми сайты хабарлады.
Заң жобасы бойынша тыйым салу шетелдіктер мен шетелдік заңды тұлғаларға ғана емес,, сонымен қатар шетелдік акциялары бар кәсіпорындарға да қатысыты.
“Мен мұны шұғыл түрде Президенттің заңнамалық бастамасы болуы керек деп шештім. Президент Әкімшілігі бұл мәселе бойынша тиісті заң жобасын әзірлеуі керек”, – деп атап өтті Президент.
Сонымен қатар, Тоқаев Үкіметке Жер реформасы жөніндегі комиссия құруға бір ай уақыт берді, ол 25 наурызда жұмысқа кірісуге тиіс. Оның міндеттерінің бірі – жер реформасының негізгі мәселелері бойынша кешенді келісім жасау. Президент бұл келісімді осы жаздың соңына дейін жасауды тапсырды.
Ол комиссияның атқарған жұмысы бойынша ақпарат Қазақстан халқына тұрақты түрде жеткізіліп тұруы тиіс екенін атап өтті. Комиссия қызметінің және ол қабылдаған шешімдердің толық ашықтығына басты назар аударылады.
“Біз қоғамның жерге қатысты көтерген барлық мәселелерін дұрыс және тиімді шеше аламыз деп үміттенемін”, – деп түйіндеді Қазақстан басшысы.
Сурет: informburo.kz
