Қазақстан Республикасы денсаулық сақтау министрлігінің басшысы Елжан Біртанов Қытайдың коронавирусынан вакцина жасау бойынша әлемнің басқа елдерінің ғалымдарымен бірлескен қызмет ету мүмкіндігі қарастырылатынын айтты. Бұл туралы zakon.kz хабарлады.
“Бүгін ел Үкіметі үшін басты мақсат инфекцияның енуін және таралуын болдырмау болып табылады, сондықтан негізгі ақша қаражаты халықты, медицина қызметкерлерін, шекара қызметінің қызметкерлерін қорғауға бағытталған”, – деп мәлімдеді Біртанов ДДҰ өкілдерімен бірлескен брифинг барысында.
Ол атап өткендей, қаржы диагностикалық технологияларға да жіберіледі, инфекцияға күдікті барлық пациенттерді тексеріп, дәрілік препараттардың қажетті қорын қалыптастыру үшін.
“Шынында да, білім және ғылым министрлігі мен ведомствоға қарасты ғылыми орталықтар осындай вакцинаны әзірлеуге дайын екендіктерін хабарлады. Қазақстанда коммерциялық мақсатта қолданылатындарды қоса алғанда, вакциналарды әзірлеу бойынша жақсы тәжірибе жинақталған. Ғылыми орталықтардың кейбір жетістіктері бар, алайда бұл күрделі технологиялық процесс екенін түсіну қажет және бұл тұрғыда барлық халықаралық ғылыми орталықтармен үйлестіруді жолға қою қажет. Біз қазір бұл мәселені қарастырудамыз”, – деп түсіндірді денсаулық сақтау министрі.
Сонымен қатар, ол мұндай вакцина әзірленсе, оны ел азаматтары үшін қолжетімді ету керек деп айтты.
“Егер мұндай вакцина пайда болса, онда ол өте сапалы және қауіпсіз болуы керек. Бірақ қазір бұл туралы айту өте ерте. Мүмкін, көптеген елдер қабылдайтын санитарлық шаралар, соның ішінде біздің елде де өз әсерін береді – инфекцияның өсу қарқыны бәсеңдеуде. Біз оны жақын арада бақылай аламыз деп үміттенеміз”, – деді Біртанов.
Сурет: zakon.kz
