Қазақстанның бас санитарлық дәрігері Айжан Есмағамбетованың шығарған жаңа қаулысына сәйкес біздің республикамызда шетелден келген азаматтар үшін шектеу шаралары жеңілдетіледі, деп хабарлайды zakon.kz ақпарат ресурсы.
Енді Қазақстанға келетін, коронавирустық инфекцияға тестілеуден өткені туралы анықтамасы жоқ азаматтар екі апталық карантинге орналастырылады.
Егер шетелдіктерде қазақстандық мемлекеттік шекараны кесіп өткен күннен бастап бес күн ішінде алған осындай анықтамасы болса, оларды карантинге орналастырмайды.
Қаулыда Қазақстанға теміржол, автомобиль, теңіз және өзен көлігінде келген азаматтар сауалнамадан өтуі тиіс. Олардан COVID-19 сынағынан өткізу үшін талдаулар алынатыны нақтыланған.
Алайда мұндай шара сыртқы саяси ведомствоның шақыруы бойынша біздің республикамызға келетін ресми делегациялардың өкілдері мен олардың отбасы мүшелеріне қолданылмайды.
Бүгінгі таңда Қазақстан Республикасында 12694 коронавирусты жұқтыру оқиғасы тіркелді, ал COVID-19-дан емделген адамдар саны 7135.
