«Отандастар» қорының вице-президенті Мағауия Сарбасов адам және этникалық азшылық құқықтарын қорғау жөніндегі дөңгелек үстелде сөйлеген сөзінде елімізде этникалық қазақтарды қолдауға бағытталған бағдарлама әзірленгенін айтты.
Осы бағдарлама бойынша жұмыс нәтижелері туралы айта келе, Сарбасов бүгінгі күні жол картасы әзірленіп, бекітілгенін, сондай-ақ қордың алдағы қызметінің жоспары келісілгенін атап өтті.
«Жоспарға сәйкес келесі қызмет түрлері анықталды: шетелде қазақтарды қолдау және ерікті түрде қоныс аудару туралы мемлекеттік бағдарламаны әзірлеу, шетелдегі отандастарды мемлекеттік қолдау туралы Қазақстан заңын әзірлеу, отандастарды ақпараттық қолдау орталығының жұмысын үйлестіру, диалог алаңдарының қызметін үйлестіру және шетелде қазақ тілін оқыту бойынша білім беру инфрақұрылымын құру», — деді ол.
Сонымен қатар, қордың вице-президенті қазір отандастарға қолдау көрсету бойынша шет мемлекеттердің тәжірибесі зерттелуде деп хабарлады. Осы жұмыс аяқталғаннан кейін нақты ұсыныстар әзірленіп, қорытынды материалдар дайындалады, олар ақпарат және қоғамдық даму министрлігіне қарауға жіберілетін болады.
«Сондай-ақ, шетелдерде қазақтарды қолдау және ерікті түрде қоныс аудару жөніндегі мемлекеттік бағдарламаны қалыптастыру бойынша ұсыныстар жасалады», — деп толықтырды Сәрбасов.
