ҚР Премьер-министрі Асқар Мамин Парламент Сенаты депутаттарының сауалына берген жауабында мемлекет аумағында шекара саясатының тұжырымдамасы әзірленетінін хабарлады.
«Ресей Федерациясының тәжірибесіне сәйкес Қазақстан Республикасының мемлекеттік шекара саясатының тұжырымдамасын әзірлеу және қабылдау мәселесіне қатысты ұлттық қауіпсіздік комитеті Қазақстан Республикасының шекара саясатының тұжырымдамасын әзірлеу туралы мәселені көтеріп, оны мемлекет басшысы қолдады», — деді министрлер кабинеті басшысы жауапта.
Маминнің айтуынша, тұжырымдаманы әзірлеу уәкілетті мемлекеттік органдар мен ұйымдардың көмегімен белгіленген тәртіппен жүргізілетін болады.
«Тұтастай алғанда, көтерілген мәселелер Үкіметтің тұрақты бақылауында және олардың шешімі осы іс-шаралар аясында жалғасатын болады», — деп сендірді премьер.
Сурет: inform.kz
