Біздің республикамызда Парламенттің жоғарғы палатасының жаңа төрағасы сайланды,сенаторлар Мәулен Әшімбаевтың кандидатурасына бірауыздан дауыс берді. Бұл туралы zakon.kz хабарлады.
Мәулен Әшімбаев өткен сенбі күні мемлекет басшысы Қасым-Жомарт Тоқаевтың тапсырмасы бойынша депутаттық өкілеттілігінен айырылып, Дариға Назарбаеваның орнына тағайындалды.
Қазақстан Сенатының жаңа спикері 1971 жылы Алматыда дүниеге келген. Мәулен Әшімбаев әл-Фараби атындағы Қазақ мемлекеттік ұлттық университетін, Тафтс университетін және Флетчер атындағы құқық және дипломатия мектебін бітірген.
Өзінің еңбек жолында Әшімбаев негізінен жоғары лауазымдарда қызмет атқарды. 2005 жылдан 2006 жылға дейін Қазақстан Қауіпсіздік Кеңесі Хатшысының орынбасары, ал 2006 жылдан 2011 жылға дейін — еліміздің Президенті Әкімшілігі басшысының орынбасары болды.
2019 жылы Мәулен Әшімбаев Республика Президенттігіне үміткер Қасым-Жомарт Тоқаевтың сайлауалды штабының басшысы болды.
2019 жылдың 30 шілдесінде Мәулен Әшімбаев мемлекет басшысының көмекшісі лауазымына орналасты, сол жылдың 18 желтоқсанынан бастап ол Қазақстан Республикасы Президенті Әкімшілігі басшысының орынбасары болды.
Сурет: kapital.kz
