Қазақстанның құқық қорғаушыларының сараптамалық кеңесі саяси тұтқындар тізіміне өзгерістер енгізді. Бұрынырақ республикада жеті саяси тұтқын босатылды, бірақ алты оппозиция және азаматтық қоғам белсенділерін отырғызды. Осы тағдыр тағы екі адамның басына түспек.
Тұңғыш Президент кетіп, Қасым-Жомарт Тоқаев билікке келгеннен кейін, саяси “жылымық” өте тез өтті. Қазіргі уақытта саяси тұтқындардың тізімі 40% жаңартылды.
Жаза мерзімінің аяқталуына немесе халықаралық ұйымдардың қысымына байланысты Шымкент кәсіподақ қайраткері Ерлан Балтабай, Нұр-Сұлтан қаласының қоғамдық белсендісі Қайырлы Омар және Маңғыстау облысынан Жамбыл Көбейсінов, Балқаш заңгері Санат Бөкенов, Сарыағаш қаласынан БАҚ өкілі Амангелді Батырбеков және жүйенің екі “кепіл тұтқыны” Мұхтар Жәкішев пен Ескендір Ерімбетов бостандыққа шықты.
Бүгінгі таңда Арон Атабек, Руслан Гинатуллин, Алмат Жұмағұлов, Кенжебек Әбішев бас бостандығынан айырылғандар, жазасы жеңілдетілген, бірақ прокуратура қызметкерлері қайта нарға қайтарғандар Макс Боқаев, Әсет Әбішев, Ержан Елшібаев, Игорь Чуприн және Игорь Сычев.
Сарапшылар кеңесінің мүшелері колонияда немесе тергеу изоляторында отырған алты белсендіні жаңа саяси тұтқындар деп таныды, олардың арасында бір әйел бар. Атап айтқанда, Нұр-Сұлтаннан Санавар Закирова, Қостанайдан Ибраев Асқар, ШҚО Глубокое ауданы Бобровка ауылынан Идырышев Серік және Алматыдан үш белсенді – Жексебаев Асхат, Бегімбетов Абай және Қылышев Қайрат.
Темір торға қамалған белсенділерден басқа, осы уақыт ішінде тағы жиырма шақты адам әртүрлі мерзімге бас бостандығына шектеу алды. Олардың кейбіреулеріне қоғамдық қызметпен айналысуға тыйым салынды, ал кейбіреулері “қара қаржы тізіміне” енгізілді.
Жақын арада қостанайлық Медет Есенеев пен СҚО Бірлік ауылының бұрынғы оқытушысы Нұрбол Өнерхан тыйым салынған оппозициялық қозғалысты қолдады деп айыпталуы мүмкін.
