Қазақстанда 2019 жылдың 1 қаңтарынан бастап шағын және орта бизнес пен жеке кәсіпкерлер үшін салықтық рақымшылық басталды.
Барлығы салықтық рақымшылық жасауға шағын және орта бизнестің 90 077 ұйымы түседі, оның ішінде 31 210 заңды тұлға және 58 867 жеке кәсіпкер. Мемлекеттік бюджет алдындағы рақымшылық жасауға жататын кәсіпкерлік субъектілерінің жалпы салық берешегі 340 миллиард долларды құрайды.
«Бұл ретте есептен шығаруға жататын өсімақылардың жалпы сомасы 122,9 миллиард теңгені, айыппұл 7,3 миллиард теңгені құрайды. Сонымен қатар, 2018 жылдың 1 қазанынан бастап негізгі қарызды төлеу күніне дейінгі өсімақылар есептен шығарылады», — деп нақтылады ведомстводан.
Салық рақымшылығы 2019 жылдың 31 желтоқсанына дейін негізгі қарызды төлегенде, өсімпұлдар мен айыппұлдарды толық есептен шығарылады дегенді білдіреді.
«Сонымен қатар, мониторингке жататын ірі салық төлеушілерге, жер қойнауын пайдаланушыларға (жер асты суларын, емдік балшықты өндіру құқығына ие болған жер қойнауын пайдаланушыларды қоспағанда), акцизделетін өнім өндірушілерге рақымшылық жасалмайды»,-деп атап өтті министрлікте.
Өсімақылар мен айыппұлдарды есептен шығару жұмыстары шамамен 2019 жылдың наурыз айында басталады.
Сулет: kaztag.kz
