Мәжіліс депутаты Азат Перуашев Қазақстан шетелдік ұйымдарда офшорлық шоттары бар еліміздің азаматтарының құпиясын ашуды міндеттейтінін айтты.
Мәжілісменнің айтуынша, бүгінгі таңда біздің республикамыздан заңсыз шығарылған ақшаны іздестіру және отанына қайтару бойынша халықаралық ұйымдармен өзара қарым-қатынас реттеледі.
“Бұл маңызды шара. Халықаралық сарапшылардың бағалауы бойынша, тәуелсіздік жылдары 180-200 миллиард доллар елден шығарылды. Біздің депутаттық сауалымызға соңғы жауап бойынша елге шамамен 90 миллион доллар қайтарылды. Бұл, әрине, күлкілі сандар”, – деді депутат.
Азат Перуашев шетелдік ұйымдар отандық фискалдық органдарға қазақстандықтардың шетелдік шоттары туралы бұл банк құпиясы және тағы басқа себептермен
мәліметтер беруден жиі бас
тартқанын айтты.
Осыған байланысты заң жобасы әзірленді, онда заңсыз жолмен алынған ақшаны жылыстатуға қарсы іс-қимыл мәселелері бойынша жаңа ережелер жазылған.
“Егер біз осы нормаларды қабылдасақ, халықаралық шетелдік ұйымдар біздің органдардың осындай өтініштеріне жауап беруге міндетті болады.Жақында швейцариялық банктер Қазақстанға олардың банктерінде қазақстандықтарға тиесілі шоттардың бар екендігі туралы хабарлайтын шешім қабылдады”, – деді Перуашев.
