Қазақстан Республикасы мен Ресей Федерациясы кеше дипломатиялық қарым-қатынастардың орнағанына 28 жыл толғанын атап өтті. Өткен жылдар ішінде екі ел халқын біріктіретін достық пен өзара сыйластықтың игі дәстүрлеріне негізделе отырып, өзара қарым-қатынастар стратегиялық әріптестік пен одақтастықтың жоғары деңгейіне көтерілді. Бұл туралы «іскерлік Қазақстан»порталы хабарлады.
Қазіргі кезеңде Ресей мен біздің ел арасындағы стратегиялық серіктестіктің негізі 2013 жылғы 11 қарашада қол қойылған 21 ғасырдағы тату көршілік және одақтастық туралы келісім болып табылады. Мемлекеттер арасында саяси тұрғыда диалог қарқынды дамуда, сондай-ақ сауда-экономикалық және ғылыми-техникалық, мәдени және гуманитарлық салалардағы тиімді өзара іс-қимыл нығаюда.
Еуразиялық экономикалық одақ, Ұжымдық қауіпсіздік туралы шарт ұйымы, Тәуелсіз Мемлекеттер Достастығы, Шанхай достастық ұйымы, Біріккен Ұлттар Ұйымы және өзге де халықаралық бірлестіктер желісі бойынша әріптестік сенім мен өзара түсіністікке негізделетін екі ел арасындағы стратегиялық әріптестікті жолға қоюдың елеулі бөлігіне айналды.
Нұр-сұлтан мен Мәскеудің стратегиялық әріптестігін кеңейтуде елдер көшбасшыларының, үкімет басшыларының, министрліктер мен ведомстволардың, сондай-ақ іскерлік құрылымдардың тұрақты кездесулері мен келіссөздері маңызды мәнге ие.
Мемлекеттер арасындағы қатынастардың барлық кешенін, халықаралық күн тәртібінің бірінші кезектегі мәселелерін шешудегі сындарлы ынтымақтастықты одан әрі дамыту, күмәнсіз, Ресей мен Қазақстан халықтарының түпкі мүдделеріне жауап береді.
Сурет: dknews.kz
