Қазақстанның Ұлттық экономика министрі Тимур Сүлейменов Давостағы Дүниежүзілік экономикалық форумда, оның ведомствосы Ресей мен Батыстың өзара санкцияларынан ел экономикасына теріс әсерді төмендетуге мүмкіндік беретін бірнеше макроэкономикалық сценарий әзірлегенін айтты.
“Бұл шаралар айтарлықтай әсер ете бастайтын болса, біз бірнеше макроэкономикалық және бюджеттік сценарий әзірледік. Бұл табиғи монополиялар бойынша тарифтерді уақытша төмендету, жекелеген салық түрлерін төмендету, нақты секторды қолдау үшін мемлекеттік даму институттары беретін несиелік келісімдердің қолданылу мерзімін ұзарту сияқты құрылымдық, жалпы экономикалық, салалық шаралары”, – деп мәлімдеді Тимур Сүлейменов.
Министрдің айтуынша, Батыстың санкциялары тек Ресей экономикасына қарсы бағытталғанына қарамастан, өндірістік, коммерциялық және сауда байланыстарына байланысты олар Қазақстан экономикасына да теріс әсер етуде.
Қазақстан Ресейге қарсы санкциялардың теріс әсерінен қорғалуы мүмкін. Бірақ, министр атап өткендей, бұл шаралар Қазақстан мен Ресей арасындағы тауар айналымы мен ынтымақтастыққа ешқандай әсер етпейді.
“Біз Еуразиялық экономикалық одақ аясындамыз, кедергісіз, кеденсіз сауда жүргізіп жатырмыз. Барлығы бизнестің өзіне байланысты. Олар бір – бірімен өздері келіседі. Біз қандай да бір шектеу шараларын көздемейміз”,-деді Тимур Сүлейменов.
Ресей мен батыс елдерінің қарым-қатынасы 2014 жылғы украиндық оқиғалардан және Қырымның өзін-өзі анықтауынан кейін нашарлады. Батыс Ресейді аннексияларға айыптап, оған қарсы экономикалық санкциялар енгізді. Мәскеу Батыс экономикаларына қатысты өз санкциялар пакетімен жауап берді. Санкциядар соғысы әлі де жалғасуда. Алайда, соңғы уақытта ЕО елдерінде Ресейге қатысты санкцияларды жою қажеттігі туралы пікірлер айтылды.
Сулет: ria.ru
