Энергетика министрі Нұрлан Ноғаев Үкімет отырысы барысында Энергетика министрлігінде Қазақстанның солтүстік өңірлері мен шығыс бөлігін газдандыруға байланысты мәселені қалай шешуді жоспарлап отырғанын айтты, деп хабарлайды «ҚазТАГ» жаңалықтар ресурсы.
Ноғаевтың айтуынша, бұл проблеманы шешудің ең оңтайлы нұсқасы — Ресейден Барнаул — Рубцовск — Семей — Өскемен бағыты бойынша газ құбырын салу.
Министрдің айтуынша, осы бағыт бойынша газ құбыры құрылысы еліміздің солтүстік өңірлері мен шығыс бөлігін газдандыруға мүмкіндік береді.
Газ құбырын салу мәселесін пысықтау үшін «ҚазТрансГаз» «Газпром» арасында жұмыс тобы құрылды. Ноғаевтың айтуынша, Ресей тарапымен келіссөздер жүргізіліп жатыр.
Бұған дейін Энергетика министрлігі біздің республикамыздың өкілдері Түркіменстанмен газ сатып алу туралы келіссөздер жүргізіп жатқанын айтқан болатын.
Атап айтқанда, Қазақстанда Нұр-Сұлтанды газдандыру үшін Түркіменстан газын сатып алу жоспарлануда. Алайда, бұл мәселе бойынша нақты шешім әлі қабылданған жоқ. Келіссөздер жалғасуда.
