“Алмаз-Антей” ресейлік концернінің басшысы Қазақстанда концерн өнімдеріне қызмет көрсету және жөндеу бойынша арнайы орталық пайда болатынын хабарлады. Осындай орталықтар Үндістанда, Египетте және Алжирде де ашылады.
Михаил Фрадков “Ресей қорғанысы” басылымына берген сұхбатында атап өткендей, концерн өз өнімдерімен бірге жылжымалы немесе стационарлық жөндеу-диагностикалық кешендерді де жеткізеді. Ал Қазақстан сияқты Ресейдің стратегиялық серіктестерінде техникалық қызмет көрсету және жөндеу зауыт орталықтары ұйымдастырылатын болады.
Концерн басшысының айтуынша, әскери өнімді сатудан кейінгі қызмет көрсету бойынша қызметтерге қажеттілік жақын арада арта түседі.
Фрадков сонымен қатар концерн әскери техникадан басқа тренажерларды жеткізіп, тапсырыс берушінің аумағында оқу орталықтарын ұйымдастырумен айналысатынын айтты, онда мамандар Алмаз-Антейден сатып алынған әскери техниканы пайдалану дағдыларын игере алады.
Сурет: news.rambler.ru
