Қазақстан Жоғарғы Сотының мамандандырылған сот алқасының төрағасы Айгүл Қыдырбаева елімізде прокурорлардың сот істеріне қатысуын қысқартуы мүмкін екенін айтты.
Айгүл Қыдырбаева бүгінгі таңда Қазақстанда жария-құқықтық дауларды шешудің толыққанды механизмі жоқ екенін айтты.
“Барлық проблемаларды азамат өзі шешеді. Оған мемлекеттік органдар мен сотқа жалғыз қарсы тұруға тура келеді. Жағдайды прокурордың қатысуы да қиындатады. Прокурор мемлекеттік органның жұмысын алмастырамауы керек”, – деді ол.
Қыдырбаева қазір қазақстандықтарға қос қарсылыққа қарама-қарсы тұруға тура келетінін, мемлекеттік органның ғана емес,сот ісі нәтижесіне әсер етуге тырысатын прокурорды да баса айтты.
“Неге азамат адал болса, ұтылуы керек? Өйткені бүгінгі таңда азаматтық процесте көп дәлелдер келтіріп, сотты әділдігіне сендірген адам жеңіске жетеді. Сот тараптардың айтқанына ғана баға береді,өйткені ол заң нормаларына шырмалған. Және мақсаты – әділдік бойынша дауды шешу емес, азаматтық іс жүргізу кодексін сақтау. Мұндай жағдайда тараптардың теңсіздігі ескерілмейді”, – деді төраға.
Сонымен қатар Айгүл Қыдырбаева жобаның басты мақсаты мемлекетпен дауласқанда азаматтардың құқықтарын қорғаудың түсінікті механизмін құру болып табылатынын түсіндірді. Ол кодекс жобасы талапты қабылдау және қарау рәсімін жеңілдететінін айтты.
Сонымен әр түрлі ұйғарымдар шығарудан босатты, соның ішінде істі “қараусыз қалдыруға” да байланысты.Бұл талапты қараусыз қалдыру, талап қоюды қабылдаудан бас тарту,сөйтіп істі тоқтату. Осыған байланысты проблемаларды орнына келтіруге тырыстық. Мәселен, іс тек 4 түрі: дау айту туралы талап, мәжбүрлеу туралы талап, іс-әрекет жасау туралы талап, мойындау туралы талап қойылған сәттен бастап қозғалатын болып саналады”, – деді ол.
