Қазақстан Республикасы Парламенті Сенатының депутаттары Қазақстан Республикасы Президентінің соғыс жағдайы мәселелеріне қатысты өкілеттігін кеңейтетін заң жобасын екінші оқылымда мақұлдады. Бұл туралы Sputnik Қазақстан жаңалықтар ресурсы хабарлайды.
Қорғаныс министрінің бірінші орынбасары-Қазақстан Қарулы Күштері Бас штабының бастығы Мұрат Бектановтың айтуынша, ел Президенті бейбіт кезеңде соғыс жағдайын анықтау бойынша қосымша өкілеттіктер берілетін болады.
Заңның басты мақсаты қорғаныс пен әскери қауіпсіздікті қамтамасыз етуге мемлекеттік дайындық жүйесін жақсарту, еліміздің соғыс жағдайы саласындағы заңнамалық актілерін әскери қақтығыстар сипатындағы ықтимал әскери қауіп-қатерлерге және өзгерістерге сәйкес келтіру болып табылады, деп түсіндірді Бектанов.
Сондай-ақ түзетулерде күзетілетін адамдар мен объектілердің қауіпсіздігін қамтамасыз етуге қатысты мәселелер бар.
Бұдан басқа, құжатқа сәйкес мемлекеттік органдар мен ұйымдардың жұмылдыру, соғыс жағдайы кезінде және соғыс уақытында, арнайы құрылымдардың инженерлік-техникалық нығайтылуына, диверсияға қарсы қауіпсіздігіне және материалдық-техникалық құралдармен жабдықталуына қатысты күзетуге және қорғануға жататын объектілерді дайындау жөніндегі құзыреті бекітіледі.
Сурет: kaztag.kz
