Қазақстан Ішкі істер министрлігі Әкімшілік полиция комитетінің басшысы Мақсат Байболов елімізде пневматикалық және сигналдық қаруды сатып алудың жаңа ережелері енгізілгенін мәлімдеді.
“Енді қару алу үшін өзінің кәмелетке толғанын растау, дүкенге сотталмағандығы туралы анықтама, медициналық көрсетілім мен қаруды қауіпсіз ұстау ережелерін білуін растау қажет”, – деді Байболов.
Сондай-ақ, ол соңғы уақытта қылмыскерлер осы қаруды қылмыс жасау үшін жиі сатып алатынын айтты. Осыған байланысты пневматикалық қару-жарақ құралдарын сатып алу үшін талаптарды күшейту туралы шешім қабылданды.
Мысалы, балалар ойнап жүрген үйдің ауласында тапаншамен қорқытқан мас ер адамды полиция қызметкері ұстады”, – деп толықтырды комитет төрағасы.
Сонымен қатар, Қазақстан Ішкі істер министрлігінде 2017 жылдан бастап пневматикалық қарудың көмегімен 129 қылмыс жасалғанын хабарлады.
