#НеМолчиДетиKZ қозғалысының директоры Алмат Мұхамеджанов баспасөз мәслихатында Қазақстанның отбасы және балалар істері министрлігін құруды ұсынды. Бұл туралы «ҚазТАГ»ақпарат агенттігі хабарлады.
Біздің » #НеМолчиДетиKZ » қоғамдық бірлестігі отбасы және балалар ісі жөніндегі министрлікті құрып, қазіргі таңда функциялары бөлек-бөлек және тек ұсынымдық болып отырған барлық функцияларын біріктіруді ұсынады», – деді Алмат Мұхамеджанов.
Алмат Мұхамеджанов жаңа министрлік Білім және ғылым министрлігі мен ішкі істер министрлігі сияқты министрліктермен бірлесе жұмыс істеуі тиіс деп санайды.
«Мектептер мен колледждерде, білім министрлігінен отыратын психологтар мен әлеуметтанушыларды; кәмелетке толмағандар ісі жөніндегі инспекцияны ІІМ-ден, олардан погондарды алып тастау керек, себебі балалар погонан қорқады; ҚАЖК-дан балалар түрмелерін; қиын жасөспірімдерге арналған балаларды оңалту орталықтарын жаңа министрлікке беру керек, балалармен кәсіби және бір жерде айналысу үшін осы Министрліктің бұйрықтары ұсынымдық емес,орындаушылық сипатта болуы керек.Бізді тыңдайды – ол жақсы. Тыңдамайтын болса, біз осы тақырыпты қайтадан көтереміз.Еліміздің жаңа басшылығы балалар жағдайына көңіл бөледі деп үміттенемін», – дейді Алмат Мұхамеджанов.
» #НеМолчиДетиKZ » қозғалысының директоры сөзінің соңында бұл министрлік Қазақстан балаларының қауіпсіздігі мен жарқын болашағын қамтамасыз ету үшін қажет екенін айтты
«Бас прокуратураның Құқықтық статистика жөніндегі комитетінің мәліметтері бойынша, күніне балаларды екі зорлау, екі өз өзіне қол жұмсауын естиміз. Бұл биылғы жылдың алғашқы төрт айындағы деректер, өткен жылғы сандар одан да көп. Біздің қоғам тарапынан балаларға қатысты геноцидті тек осылай ғана тоқтатуға болады», – деп қорытындылады Алмат Мұхамеджанов.
