Біздің республикада орыс тілін оқытатын оқытушыларды даярлауға мемлекеттік тапсырыс бірнеше есе өсті. Сондықтан қазақстандық студенттер бұл мамандыққа тегін оқи алады. Бұл туралы Білім министрлігінің басшысы Асхат Аймағамбетов жақында өткен баспасөз конференциясы аясында айтты.
“Мемлекеттік тапсырыс тек орыс тілі мұғалімдерін даярлауға ғана емес, бастауыш сынып мұғалімдеріне, дефектологтарға да артты, яғни бүгінгі таңда біз кадрларға деген қажеттілікті көріп отырмыз”, – деп атап өтті ведомство басшысы.
Сондай-ақ, Аймағамбетов мемлекеттік білім беру тапсырысы қажеттіліктер негізінде қалыптасатынын хабарлады.
“Егер бүгінгі таңда бізде орыс тілі, бастауыш сынып, физика, ағылшын тілі мұғалімдері немесе дефектологтар жетіспейтінін байқасақ, тиісінше көп грант бөлеміз. Жалпы, бүгін педагогтардың тапшылығы сезіліп жатқанын көріп отырмыз, біз бұған ден қойып отырмыз, сондықтан біз дәл осы орыс тілі кадрларын даярлауға бөлінетін орындар санын бірнеше есеге ұлғайттық”, — деп түсіндірді білім министрі.
